Manajan yakin neman zaben Atiku ya koma APC.
Tsohon gwamnan jihar Ogun kuma manajan yakin neman zaben dan takarar shugaban kasa na jam’iyyar PDP a zaben da ya gabata, Gbenga Daniel, ya sauya sheka zuwa jam’iyyar APC mai mulki.
Ana sa ran Daniel zai karbi katin zama dan jam’iyyar APC kafin a rufe rajistar sabbin mambobi a yau.
Wata majiya tace tsohon gwamnan na jihar Ogun zai gana da shugaban kwamitin riko na jam’iyyar APC kuma gwamnan jihar Yobe Mai Mala Buni a ranar Laraba.
Wanda ake sa ran zasu kasance cikin taron sun hada da gwamna Abubakar Atiku Bagudu na jihar Kebbi, da Nasir El-Rufai na jihar Kaduna da Badaru Abubakar na jihar Jigawa.
Support Independent Journalism
We appeal to you to donate and support our journalism. The impact of our investigations has given hope to the vulnerable, held power accountable, and become a voice for the oppressed.
Be part of the accountability journey.
